NOTI BANDIA ZAKAMATWA MWANZA.

KAIMU KAMANDA WA POLISI MWANZA NONOSIUS KOMBA.

JESHI LA POLISI MKOANI MWANZA LINAMSHIKILIA MTU MMOJA KWA KOSA LA KUMILIKI NOTI BANDIA ZENYE THAMANI YA SHILINGI LAKI NANE NA SABINI ELFU.

AKIZUNGUMZA NA WAANDISHI WA HABARI KAIMU KAMANDA WA POLISI MWANZA NONOSIUS KOMBA AMEMTAJA MTUHUMIWA HUYO KUWA NI BW. SILAS OMOLO (29) MKAZI WA ENEO LA NYEGEZI WILAYA YA NYAMAGANA.

AMESEMA KUWA MNAMO TAREHE 16NOV2010, SAA TISA NA DAKIKA ISHIRINI JESHI HILO LILIFIKA ENEO LA TUKIO NYEGEZI JIJINI MWANZA NA MARA BAADA YA UPEKUZI MTUHUMIWA SILAS OMOLO ALIKUTWA NA NOTI 87 ZA SHILINGI ELFU KUMI, KUMI AMBAPO NOTI 30 ZILIKUWA NA NAMBA AINA MOJA AMBAYO NI AK S802330 NA NOTI 57 ZILIZOSALIA NAZO ZOTE ZILIKUWA NA NAMBA AINA MOJA AMBAYO NI AK S802338.

KUKAMATWA KWA MTUHUMIWA HUYO PAMOJA NA KIASI HICHO CHA FEDHA KUMEKUJA MARA BAADA YA JESHI HILO KUPATA TAARIFA TOKA KWA WANANCHI WEMA AMBAO WALINASA UWEPO WA NOTI HIZO BANDIA NA HATIMAYE TAARIFA KUZIFIKISHA KATIKA JESHI HILO LA POLISI, NALO BILA AJIZI LIKAFANYA KAZI YAKE.

MTUHUMIWA ANASHIKILIWA NA JESHI HILO NA ANATEGEMEA KUFIKISHWA MBELE YA MAHAKAMA.

Tupe maoni yako