BREAKING NEWS: KATIBU WA CCM KATA YA ISAMILO AUAWA.

NA: ALBERT G.SENGO; MWANZA

KATIBU WA CCM KATA YA ISAMILO JIJINI MWANZA Bi. BAHATI STEPHANO(49) AMEUAWA KWA KUCHOMWA KISU MARA BAADA YA KUVAMIWA OFISINI KWAKE NA KIJANA MMOJA ALIYETAMBULIKA KWA JINA LA JUMANNE OSCAR (30).

TUKIO HILO LIMETOKEA LEO MAJIRA YA SAA SITA NA NUSU MCHANA OFISINI KWAKE MTAA WA NERA, MARA BAADA YA KIJANA JUMANNE OSCAR KUVAMIA OFISI HIZO NA KUMKUTA KATIBU HUYO NA MAJIBIZANO YA MANENO KUANZA HATIMAYE KIJANA HUYO ALICHOMOA KISU NA KUMCHOMA KIFUANI KUSHOTO NA KISHA TUMBONI.

MAMA HUYO KATIBU HUYO WA CCM KATA YA ISAMILO ALIFIA NJIANI AKIPELEKWA HOSPITALI YA RUFAA YA BUGANDO KUPATA HUDUMA.

MAUAJI HAYA YANAHUSISHWA NA SIASA KUTOKANA NA KUIBUKA KWA MAKUNDI YANAYOKINZANA NDANI YA CCM KUELEKEA KURA ZA MAONI ZA KUTAFUTA WAGOMBEA WA CHAMA HICHO TAWALA KATIKA UCHAGUZI MKUU WA MWAKA HUU 2010.

AKITHIBITISHA KUTOKEA KWA TUKIO HILO KAMANDA WA POLISI MKOA WA MWANZA BW. SIMON SIRO AMESEMA MARA BAADA YA KUFANYA UKATILI HUO KIJANA JUMANNE OSCAR ALITOKA OFISINI HUMO AKIKIMBIA KUELEKEA ZIWANI LAKINI KWA NGUVU ZA WANANCHI HATIMAYE ALIKAMATWA NA KUPELEKWA KITUO CHA POLISI KWA MAHOJIANO ZAIDI.

MAREHEMU BAHATI ALIZALIWA KATIKA KIJIJI CHA BUSIRI WILAYANI UKEREWE MKOANI MWANZA NA AMEACHA WATOTO.

MWISHO:

Tupe maoni yako