BIHONDO ASOMEWA MASHTAKA LEO.

ULINZI ULIIMARISHWA WAKATI MSTAHIKI MEYA WA JIJI LA MWANZA BW. LEONARD BANDIHO BIHONDO (64)ALIPOWASILI MAHAKAMA KUU YA MKOA WA MWANZA KUSOMEWA MASHTAKA YA TUHUMA ZA MAUAJI YA KADA WA CCM.

KWA KARIBU ZAIDI.

AKIINGIA CHUMBA CHA MAHAKAMA.

LEONARD BIHONDO (64), AMEFIKISHWA KATIKA MAHAKAMA YA HAKIMU MKAZI MKOA WA MWANZA KUSOMEWA MASHTAKA YEYE PAMOJA NA WENZAKE WA3 AMBAO NI JUMANNE OSCAR (30), MKAZI WA KITANGIRI JIJINI MWANZA ANAYEDAIWA KUTOKEA MKOANI KIGOMA, BARTAZAR SHUSHI (47), AMBAYE NI FUNDI MWASHI MKAZI WA MTAA WA NERA JIJINI NA ABDUL AUSI (45), KADA WA CCM ALIYEWAHI KUWA KATIBU MWENEZI WA CCM KATA YA ISAMILO NA MWENYEKITI WA MTAA WA MASHAURI ULIOPO ISAMILO.

MBELE YA HAKIMU MKAZI MKUU MFAWIDHI WA MAHAKAMA KUU YA MKOA WA MWANZA BIBI. EUGINIANIA RUJWAHUKA WAKILI WA SERIKALI BW. STEVEN MAKWEGA AMEWASOMEA WATUHUMIWA SHITAKA LA MAUAJI YA KUKUSUDIA AMBALO NI KINYUME CHA KIFUNGU CHA KANUNI YA ADHABU YA MAKOSA YA JINAI NAMBA 196 SURA 16 YA MWAKA 2002. KESI IMEAHIRISHWA NA ITATAJWA TENA JUNE 4/ 2010.

MAREHEMU BAHATI ALIZIKWA NYUMBANI KWAO KATIKA KIJIJI CHA BUSIRI WILAYANI UKEREWE AMBAPO RAIS JAKAYA KIKWETE ALIWAKILISHWA NA MSAIDIZI WAKE BWANA ALI LUHAVI.

Tupe maoni yako